PFTSA a reuni cu e dos formadornan
Published on February 25, 2025
Manera ta conoci, den e ultimo simannan, e dos formadornan ta reuni cu diferente stakeholders.
Diasabra nan a reuni cu Pensioenfonds di sector turisticio (PFTSA). Natalia Lacle, director ehecutivo di PFTSA a indica di tabatin un reunion hopi importante y constructivo cu e formador. A splica e formador un poco mas di e fondo, cu a lanta na 1992. Pues, nan tin 33 aña caba di existencia. Nan ta maneha mas di 224 miyon florin na activa y tin 15 mil polisa segura cerca nan como fondo di pensioen. Desde 2012 cu pensioen a bira obligatorio na Aruba, PFTSA su aseguradonan a crece. Y tin algun aspecto cu mester tene cuenta cu ne. Y e aspectonan aki a dialoga cu formador.
Lacle a splica cu tabatin e 50 florin cu ta para den ley, y si e pensionado ora e yega su edad di pensioen, e ta ricibi un pension di menos di 50 florin pa luna, e por haya e pensioen den forma di lumpsum. Si e ta mas cu 50 florin, e no por ricibie di un solo biaha. Mirando cu a pasa 14 aña y e costo di bida a aumenta drasticamente, ta kere cu ta tempo pa haci cambio pa ahusta y modernisa y ahusta e 50 florin aki.
